ଭୁବନେଶ୍ବର: ଆଜି ପୁଣି ଥରେ ବିଦେଶ ଗସ୍ତରେ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ସେ ଏଥର ଜାପାନ ଗସ୍ତରେ ଯାଉଥିବାର ଜଣାପଡିଛି। ଏଥିପାଇଁ ଶନିବାର ଦିନ ଶିଳ୍ପ ବିଭାଗ ମନ୍ତ୍ରୀ, ପ୍ରମୁଖ ସଚିବ ଏବଂ ବରିଷ୍ଠ ଅଧିକାରୀ ଜାପାନ ଗସ୍ତ କରିଛନ୍ତି।
ନବୀନଙ୍କ ଏହି ଗସ୍ତର ମୁଖ୍ୟ ଉଦ୍ଦେଶ୍ୟ ରହିଛି ରାଜ୍ୟକୁ ପୁଂଜି ଆଣିବା। ସେଥିପାଇଁ ସେ ଶିଳ୍ପ ଏବଂ ଇଡକୋର ପ୍ରମୁଖ ଅଧିକାରୀଙ୍କୁ ନେଇ ସେ ଏହି ଗସ୍ତ କରୁଛନ୍ତି। ଏଥିରେ ନବୀନ ପ୍ରଥମେ ଜାପାନରେ ଏକ ରୋଡ ସୋ କରିବେ। ଏଥିସହିତ ସେ ବିଭିନ୍ନ ଶିଳ୍ପପତିଙ୍କ ସହିତ ବୈଠକ କରିବେ।
ନବୀନ ପ୍ରଥମେ ଟୋକିଓ ରେ ଶିଳ୍ପ ସମ୍ମିଳନୀରେ ଯୋଗଦେବେ। ଏହାପରେ ସେ କ୍ବୋଟୋ, ଓସାକା ସହରରେ ମଧ୍ୟ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ। ମୁଖ୍ୟମନ୍ତ୍ରୀଙ୍କ ସହିତ ତାଙ୍କର ବ୍ୟକ୍ତିଗତ 5ଟି ସଚିବ ଭିକେ ପାଣ୍ଡିଆନ, ମୁଖ୍ୟ ଶାସନ ସଚିବ ପ୍ରଦୀପ ଜେନା ପ୍ରମୁଖ ଯାଉଛନ୍ତି। ମୁଖ୍ୟମନ୍ତ୍ରୀ ନଅ ତାରିଖରେ ଓଡିଶା ଫେରିବେ ବୋଲି ଜଣାପଡିଛି।
