ନୂଆଦିଲ୍ଲୀ: କଂଗ୍ରେସର ପୂର୍ବତନ ନେତା ତଥା ଭାରତର ପ୍ରଥମ ରାଜ୍ୟପାଳ ଜେନେରାଲ ସି.ରାଜାଗୋପାଲାଚାରିଙ୍କ ଅଣନାତି ସିଆର କେଶୱନ ଆଜି ବିଜେପିରେ ଯୋଗ ଦେଇଛନ୍ତି। କେନ୍ଦ୍ର ମନ୍ତ୍ରୀ ଭି.କେ ସିଂ, ବିଜେପି ନେତା ଅନିଲ ବଲୁନି ଏବଂ ପ୍ରେମ ଶୁକ୍ଲାଙ୍କ ଉପସ୍ଥିତିରେ କେଶବନ୍ ଦଳରେ ଯୋଗ ଦେଇଛନ୍ତି।
ବିଜେପିରେ ଯୋଗଦେବା ପରେ ସିଆର କେଶବନ୍ କହିଛନ୍ତି ଯେ, ମୁଁ ୨୦୪୭ ସୁଦ୍ଧା ଭାରତ ବିଶ୍ୱଗୁରୁ ହେବା ଭଳି ଦିଗରେ କାର୍ଯ୍ୟ କରିବି। ମୋର ଅବଦାନ ରାମସେତୁ ତିଆରି କରିବାରେ ଗୁଣ୍ଡିଚି ମୂଷା ପରି ସମାନ ହେବ।
ଶ୍ରୀ କେଶବନ କହିଛନ୍ତି ଯେ, ଯେତେବେଳେ ଆମର ପ୍ରଧାନମନ୍ତ୍ରୀ ତାମିଲନାଡୁରେ ଅଛନ୍ତି, ମୁଁ ସେହି ଦିନ ବିଶ୍ୱର ସର୍ବବୃହତ ରାଜନୈତିକ ଦଳ-ବିଜେପିରେ ଯୋଗ ଦେଇଥିବାରୁ ଆପଣଙ୍କୁ ଧନ୍ୟବାଦ ଦେବାକୁ ଚାହୁଁଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ନଡା ଜୀ ମୋତେ ଉତ୍ସାହିତ କରିଥିଲେ।
ପ୍ରଧାନମନ୍ତ୍ରୀ ମୋଦୀଙ୍କୁ ପ୍ରଶଂସା କରି ସେ କହିଛନ୍ତି ଯେ, ପ୍ରଧାନମନ୍ତ୍ରୀଙ୍କ ଲୋକକେନ୍ଦ୍ରିକ ନୀତି, ଦୁର୍ନୀତିମୁକ୍ତ ଶାସନ ଏବଂ ସଂସ୍କାର ଭିତ୍ତିକ ଅନ୍ତର୍ଭୂକ୍ତ ବିକାଶ ଏଜେଣ୍ଡା ଭାରତକୁ ଏକ ଦୁର୍ବଳ ଅର୍ଥନୀତିରୁ ବିଶ୍ୱର ୫ମ ବୃହତ୍ତମ ଅର୍ଥନୀତିରେ ପରିଣତ କରିଛି। ଗତ ୯ ବର୍ଷ ମଧ୍ୟରେ, ଭାରତ ବାହାରେ ରହୁଥିବା ଲୋକମାନେ ଦେଖିଛନ୍ତି କିପରି ଭାରତରେ ବିକାଶ ରାଜନୀତି ଚାଲିଛି।
ସି.ଆର. କେଶବନ ଏପରି ଅନ୍ୟ ଜଣେ ନେତା ଯିଏକି ନିକଟରେ ବିଜେପିରେ ଯୋଗ ଦେଇଛନ୍ତି ଯାହାର ପରିବାର କଂଗ୍ରେସରେ ଏକ ବଡ଼ ସ୍ଥିତି ଅଛି। ଏହାପୂର୍ବରୁ ଏପ୍ରିଲ ୬ ତାରିଖରେ ପୂର୍ବତନ କେନ୍ଦ୍ର ମନ୍ତ୍ରୀ ତଥା କେରଳର ବରିଷ୍ଠ କଂଗ୍ରେସ ନେତା ଏ.କେ ଆଣ୍ଟୋନିଙ୍କ ପୁଅ ଅନିଲ ଆଣ୍ଟୋନି ବିଜେପିରେ ଯୋଗ ଦେଇଥିଲେ।
