କୈଳାଶ ଚନ୍ଦ୍ର ଚୌଧୁରୀ
ବ୍ରହ୍ମପୁର: ଗୋଳନ୍ଥରା ଥାନା ଅନ୍ତର୍ଗତ କନିଷି ଅଟୋନଗର୍ ନିକଟରେ ନବ ନିର୍ମାଣ ଓଭରବ୍ରିଜ୍ ରାସ୍ତାରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଯାଇଛି। ରାସ୍ତା କଡ଼ରେ ଛିଡ଼ା ହୋଇଥିବା (ଓଡି ୨୯ ଏଲ୍ ୭୫୭୦) ନଂ ବିଶିଷ୍ଟ ଏକ ଟ୍ରକକୁ ଦ୍ରୁତ ଗତିରେ ଆସୁଥିବା ଏକ କଣ୍ଟେନର୍ ଟ୍ରକ୍ (ଏପି୧୬ ଟିଏଫ୨୪୭୫) ଧକ୍କା ଦେଇଥିଲା। ଯାହା ଫଳରେ କଣ୍ଟେନର୍ ଡ୍ରାଇଭର ଗାଡ଼ି ଭିତରେ ଚାପି ହୋଇ ପ୍ରାଣ ହରାଇଥିବା ବେଳେ ହେଲପର ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।
ଦୁର୍ଘଟଣା ଏମିତି ହୋଇଥିଲା ଯେ, ଗାଡ଼ି ଭିତରୁ ଡ୍ରାଇଭର ମୃତ ଦେହକୁ ବାହାର କରିବା ପାଇଁ ଗୋଳନ୍ଥରା ପୋଲିସ ଓ ଅଗ୍ନିଶମ ବିଭାଗ କର୍ମଚାରୀଙ୍କୁ ଦୁଇ ଘଣ୍ଟା ସମୟ ଲାଗିଥିଲା।
ମୃତ ଡ୍ରାଇଭରର ପରିଚୟ ମିଳି ନଥିବା ବେଳେ କୌଣସି ମାମଲା ରୁଜୁ ହୋଇ ନଥିବା ଥାନା ଅଧିକାରୀ ସୁଚନା ଦେଇଛନ୍ତି।
