ନୂଆଦିଲ୍ଲୀ: ଆଜି ପରୀକ୍ଷା ସମୟରେ ବିଶ୍ୱର ସବୁଠୁ ବଡ ରକେଟ୍ ସ୍ପେସ୍ ଏକ୍ସ ଷ୍ଟାରସିପ୍ ବିସ୍ଫୋରଣ ହୋଇଛି। ଏଲନ୍ ମସ୍କଙ୍କ କମ୍ପାନୀ ସ୍ପେସ୍ ଏକ୍ସ ଟୁଇଟ୍ କରି ଏହି ବିଷୟରେ ସୂଚନା ଦେଇଛି। ସ୍ପେସ୍ ଏକ୍ସ କହିଛି ଯେ, ଆମେ ଏଭଳି ପରୀକ୍ଷଣରୁ ଶିଖିବା। ଏହା ହିଁ ସଫଳତା ଆଣିଥାଏ। ପୂର୍ବରୁ ବୈଷୟିକ କାରଣରୁ ଏହି ପରୀକ୍ଷା ସ୍ଥଗିତ ରଖାଯାଇଥିଲା।
କମ୍ପାନୀର କହିବାନୁସାରେ, ବିମାନ ଉଡ଼ିବାର କିଛି ମିନିଟ ପରେ ଏହା ବିସ୍ଫୋରଣ ହୋଇଥିଲା। ସ୍ପେସ୍ ଏକ୍ସ କହିଛି ଯେ, ଦଳ ପରବର୍ତ୍ତୀ ପରୀକ୍ଷା ସମ୍ବନ୍ଧରେ ତଥ୍ୟ ସଂଗ୍ରହ କରୁଛି ଏବଂ ସମୀକ୍ଷା କରୁଛି। ଏଥିରେ ଜଡିତ ସମସ୍ତ ଲୋକଙ୍କୁ ଅଭିନନ୍ଦନ ଜଣାଇଛନ୍ତି। ପରୀକ୍ଷା ପୂର୍ବରୁ କମ୍ପାନୀ ଏକ ଭିଡିଓ ମଧ୍ୟ ଜାରି କରିଛି ଯେଉଁଥିରେ ସ୍ପେସ୍ ଏକ୍ସ ଷ୍ଟାରସିପ୍ ର ପରୀକ୍ଷା ଦୃଶ୍ୟମାନ ହେଉଛି।
https://twitter.com/SpaceX/status/1649043715686793218
ସ୍ପେସ୍ ଏକ୍ସର ଶୁଭାରମ୍ଭ ପୂର୍ବରୁ ଏପ୍ରିଲ୍ ୧୭ ତାରିଖ ପାଇଁ ଧାର୍ଯ୍ୟ କରାଯାଇଥିଲା। କିନ୍ତୁ ମଞ୍ଚରେ ଇନ୍ଧନ ଚାପ ସମସ୍ୟା ହେତୁ ଏହାକୁ ସ୍ଥଗିତ ରଖାଯାଇଥିଲା। ଏହି ସୂଚନା ଟୁଇଟ୍ କରି ନିଜେ ଏଲନ୍ ମସ୍କ ପ୍ରଦାନ କରିଛନ୍ତି। ପ୍ରକାଶ ଯେ, ବିଶ୍ୱର ସର୍ବବୃହତ ରକେଟ୍ ସ୍ପେସ୍ ଏକ୍ସର ଲମ୍ବ ୩୯୪ ଫୁଟ।
