ସୁରଟ (ଗୁଜୁରାଟ): ମୋଦୀ ଉପନାମ ମାମଲାରେ ଗୁଜୁରାଟର ସେସନ୍ କୋର୍ଟରୁ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଆଶ୍ଵସ୍ତି ମିଳିନାହିଁ। ରାହୁଲ ଗାନ୍ଧୀଙ୍କୁ ଦିଆଯାଇଥିବା ଦୁଇ ବର୍ଷର ଦଣ୍ଡ ବିରୋଧରେ କୋର୍ଟ ଏହି ଆବେଦନକୁ ଖାରଜ କରିଛନ୍ତି। କୋର୍ଟ ଏହି ଦଣ୍ଡାଦେଶ ଶୁଣିବାକୁ ମନା କରି ଦେଇଛନ୍ତି। ମାନହାନୀ ମାମଲାରେ ନିମ୍ନ ଅଦାଲତ ରାହୁଲ ଗାନ୍ଧୀଙ୍କୁ ଦୁଇ ବର୍ଷ ଦଣ୍ଡିତ କରିଛନ୍ତି।
କଂଗ୍ରେସ ନେତା ରାହୁଲ ଗାନ୍ଧୀ ଗୁଜୁରାଟର ସୁରଟର ଏକ କୋର୍ଟ ଦ୍ୱାରା ‘ମୋଦୀ ଉପନାମ’ ବିବୃତ୍ତି ପାଇଁ ଦୋଷୀ ସାବ୍ୟସ୍ତ ହୋଇଥିଲେ। ଏହି ନିଷ୍ପତ୍ତି ଉପରେ ପ୍ରତିବନ୍ଧକ ଲଗାଇବା ପାଇଁ ରାହୁଲ ଗାନ୍ଧୀ ସେଶନ କୋର୍ଟରେ ଆବେଦନ କରିଥିଲେ। ଯଦି ଆଜି ଦୋଷୀ ସାବ୍ୟସ୍ତ ହେବା ଅବେମ ଦଣ୍ଡବିଧାନ ଉପରେ ରୋକ ଲାଗିଥାନ୍ତା, ତେବେ ରାହୁଲ ଗାନ୍ଧୀଙ୍କ ଲୋକସଭା ସଦସ୍ୟତା ପୁନଃସ୍ଥାପିତ ହୋଇଥାନ୍ତା।
