ଭୁବନେଶ୍ବର: ଖୋର୍ଦ୍ଧା ଜିଲ୍ଲା ସବରେଜିଷ୍ଟ୍ରାର ଅଫିସରେ ଉତ୍ତେଜନ ସୃଷ୍ଟି ହୋଇଛି। ମୁଖ୍ୟତଃ ଓକିଲ ଏବଂ ଲୋକେ ଆନ୍ଦୋଳନ କରିଛନ୍ତି। ଲାଞ୍ଚ ନ ଦେଲେ କୌଣସି ଜମି ଦଲିଲ ପ୍ରଦାନ କରାଯାଉ ନାହିଁ। ଏପରିକି ଖୋର୍ଦ୍ଧା ସବରେଜିଷ୍ଟ୍ରାରଙ୍କ ନାମରେ ଏକ ସାଘାଂତିକ ଅଭିଯୋଗ ହୋଇଛି। ସେ ଦଲିଲ ପ୍ରଦାନ ପାଇଁ ଜଣେ ଓକିଲଙ୍କଠାରୁ ତିନି ଲକ୍ଷ ଟଙ୍କା ଲାଞ୍ଚ ନେଇଥିଲେ ମଧ୍ୟ ତାହାର ଦଲିଲ ଏ ପର୍ଯ୍ୟନ୍ତ ପ୍ରଦାନ କରାଯାଉ ନାହିଁ।
ଘଟଣାରୁ ଜଣାପଡିଛି ଯେ, ପଟିଆ ମୌଜାର ଏକ ଜମି ଦଲିଲ ପ୍ରଦାନ ପାଇଁ ସବରେଜିଷ୍ଟ୍ରାର ଜଣେ କର୍ମଚାରୀଙ୍କ ମାଧ୍ୟମରେ ତିନି ଲକ୍ଷ ଟଙ୍କା ଲାଞ୍ଚ ନେଇଛନ୍ତି। ହେଲେ ସେ ଏ ପର୍ଯ୍ୟନ୍ତ ଦଲିଲ ରିଲିଜ କରୁ ନାହାଁନ୍ତି। ଏପରିକି ସ୍ଲଟ ବୁକିଂ ହୋଇଥିଲେ ମଧ୍ୟ ତାହାର ସମାଧାନ ହେଉ ନାହିଁ। ଏ ନେଇ ବରିଷ୍ଠ ଓକିଲ ଲିଙ୍ଗରାଜ ମିଶ୍ର ଓ ସୁଶାନ୍ତ ମିଶ୍ର ରାଜସ୍ବ ସଚିବ, ଖୋର୍ଦ୍ଧା ଜିଲ୍ଲାପାଳ ଏବଂ ଆଜିଆରଙ୍କ ନିକଟରେ ଅଭିଯୋଗ କରିଛନ୍ତି। ତେବେ ଏପରି ଅଭିଯୋଗର କୌଣସି ଭିତ୍ତି ନାହିଁ ବୋଲି ସବରେଜିଷ୍ଟ୍ରାର ଜ୍ଞାନ ରଂଜନ ସାହୁ ମିଡିଆରେ କହିଛନ୍ତି।
