ଭୁବନେଶ୍ୱର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଭାସୀ ମାଧ୍ୟମରେ ସାରା ଦେଶରେ ୯୧ଟି ଏଫ୍ଏମ୍ ରେଡ଼ିଓ ଟ୍ରାନ୍ସମିଟରର ଶୁଭାରମ୍ଭ କରିଛନ୍ତି। ଏହି ୯୧ଟି ଏଫ୍ଏମ୍ ରେଡ଼ିଓ ଟ୍ରାନ୍ସମିଟର ମଧ୍ୟରୁ ଓଡ଼ିଶାରେ ମଧ୍ୟ ୭ଟି ଏଫ୍ଏମ୍ ରେଡ଼ିଓ ଟ୍ରାନ୍ସମିଟରର ଉଦ୍ଘାଟନ କରାଯାଇଛି।
ଏହି କାର୍ଯ୍ୟକ୍ରମରେ ଦେଶର ସମସ୍ତ ରାଜ୍ୟର ମୁଖ୍ୟମନ୍ତ୍ରୀଗଣ, ସାଂସଦ ଏବଂ ବିଧାୟକଙ୍କ ସମେତ ପ୍ରସାର ଭାରତୀର ଉଚ୍ଚପଦସ୍ଥ ଅଧିକାରୀମାନେ ଉପସ୍ଥିତ ଥିଲେ। ଓଡ଼ିଶାରୁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ମାନ୍ୟବର ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ, ପଞ୍ଚାୟତିରାଜ ଓ ପାନୀୟ ଜଳ, ସୂଚନା ଓ ଲୋକସଂପର୍କ ମନ୍ତ୍ରୀ ପ୍ରଦିପ କୁମାର ଅମାତ ଏହି କାର୍ଯ୍ୟକ୍ରମରେ ଆଭାସୀ ମାଧ୍ୟମରେ ଯୋଗଦେଇଥିଲେ।
ଓଡ଼ିଶାର କେନ୍ଦ୍ରାପଡ଼ା, ବରଗଡ଼, ନବରଙ୍ଗପୁର, କୋରାପୁଟ, ମାଲକାନଗିରି, ଗଜପତି ଓ ଫୁଲବାଣୀଠାରେ ଏହି ଏଫ୍ଏମ୍ ରେଡ଼ିଓ ଟ୍ରାନ୍ସମିଟର ଉଦ୍ଘାଟିତ
ହୋଇଛି।
