ଭୁବନେଶ୍ବର: ପ୍ରାଣୀମାନଙ୍କ ପ୍ରତି କିପରି ଧ୍ୟାନ ଦିଆଯାଏ ସେ ନେଇ ବିଏମସିରେ ଆଳାପ ପ୍ରାଣୀ କଲ୍ୟାଣ ତରଫରୁ ଏକ କର୍ମଶାଳା ଆୟୋଜିତ ହୋଇଯାଇଛି। ଏଥିରେ ସାଲେପୁର ଏସଏସଡବ୍ଲୁ କଲେଜ ଏବଂ ଉତ୍କଳ ବିଶ୍ବବିଦ୍ୟାଳୟ ସମାଜସେବୀ ଛାତ୍ରଛାତ୍ରୀ ଯୋଗ ଦେଇଥିଲେ। ଏଥିରେ ବିଏମସି ପ୍ରାଣୀମାନଙ୍କ କଲ୍ୟାଣ ପାଇଁ କି ପ୍ରକାରର ଯୋଜନା କରିଛି ସେ ନେଇ ଆବଗତ କରାଯାଇଥିଲା।
ଛାତ୍ରଛାତ୍ରୀଙ୍କୁ ବିଏମସି ତରଫରୁ କୁକୁର ବନ୍ଦ୍ୟାକରଣ ଏବଂ ଥଇଥାନ ଉପରେ କି ପ୍ରକାରର ପଦକ୍ଷେପ ନିଆଯାଇଛି ତାହା ଉପରେ ଅବଗତ କରାଯାଇଥିଲା।ଏଥିରେ ବିଏମସିର ଗୋଶାଳା ସଂପର୍କରେ ଡେପୁଟି କମିଶନର ରମେଶ ଚନ୍ଦ୍ର ଜେନା ବିସ୍ତୁତ ତଥ୍ୟ ପ୍ରଦାନ କରିଥିଲେ। ଏହି କାର୍ଯ୍ୟକ୍ରମକୁ ପଶୁପ୍ରେମୀ ତଥା କ୍ରିଷ୍ଣା ଗୋଶାଳାର ଅମୁଲ୍ୟ ନାୟକ, ସାଲେପୁର କଲେଜର ସ୍ବାତୀ ମହାନ୍ତି, ଉତ୍କଳ ବିଶ୍ବବିଦ୍ୟାଳୟରୁ ବିଶ୍ବଭୂଷଣ ଘଡେଇ ଏବଂ ଆଳାପ ତରଫରୁ ଡ. ଦିଲ୍ଲୀପ ମିଶ୍ର ପରିଚାଳନା କରିଥିଲେ।
