କଳାହାଣ୍ଡି: ଯୋଗ, ଭାରତର ଏକ ପ୍ରାଚୀନ ସଂସ୍କୃତି। ଏହା ମନ, ଶରୀର ଓ ଆତ୍ମାର ମିଳନ କରିଥାଏ। ବିଶ୍ୱକୁ ଆମର ଏହି ପ୍ରାଚୀନ କଳା ଓ ଏହାର ସୁଫଳ ସମ୍ପର୍କରେ ଅବଗତ କରାଇବା ପାଇଁ ବିଶ୍ୱ ପାଳନ କରିବାକୁ ଯାଉଛି ଯୋଗ ଦିବସ। କଳାହାଣ୍ଡି ଜିଲ୍ଲାରେ ଏଥିପାଇଁ ପ୍ରାକ୍ ପ୍ରସ୍ତୁତି ଆରମ୍ଭ ହୋଇଗଲାଣି।
ପ୍ରାଚୀନ ସଂସ୍କୃତିର ଅମୂଲ୍ୟ ଉପହାର ହେଉଛି ଯୋଗ। ଅନେକ ବର୍ଷ ପୂର୍ବେ ଏହାର ଉତ୍ପତ୍ତି ଭାରତରେ ହୋଇଥିବା ଅନୁମାନ କରାଯାଏ। ବିଶ୍ୱର କୋଣ ଅନୁକୋଣରେ ଯୋଗକୁ ପହଞ୍ଚାଇବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରୟାସରେ ବିଶ୍ୱବ୍ୟାପୀ ଜୁନ୍ ୨୧ ତାରିଖକୁ ଆନ୍ତର୍ଜାତିକ ଯୋଗ ଦିବସ ଭାବେ ପାଳନ କରାଯାଉଛି। ମିଳିତ ଜାତିସଂଘ ଅଧିବେଶନରେ ୨୦୧୪ ମସିହା ଡିସେମ୍ୱର ୧୧ ତାରିଖରେ ଏଥିପାଇଁ ସଂକଳ୍ପ ହୋଇଥିଲା।
ଆନ୍ତର୍ଜାତିକ ଯୋଗ ଦିବସ ୨୦୧୫ ମସିହାରୁ ପାଳନ କରାଯାଉଛି। ଯୋଗ ଏକ ଶାରିରୀକ, ମାନସିକ ଓ ଆଧ୍ୟାତ୍ମିକ ଅଭ୍ୟାସ। ପ୍ରତିଦିନ ଯୋଗାଭ୍ୟାସ କରିବା ଦ୍ୱାରା ଆମର ମନ ଶାନ୍ତ ରହେ ଏବଂ ଶରୀରକୁ ଶକ୍ତି ମିଳେ। ପ୍ରତିବର୍ଷ ଯୋଗ ଦିବସର ଏକ ବିଷୟ ବସ୍ତୁ ରହିଥାଏ। ଚଳିତବର୍ଷର ବିଷୟବସ୍ତୁ ରହିଛି ଏକ ପୃଥିବୀ ଏକ ସ୍ୱାସ୍ଥ୍ୟ ପାଇଁ ଯୋଗ। ସ୍ୱାସ୍ଥ୍ୟ ପାଇଁ ଯୋଗ ନିତାନ୍ତ ଆବଶ୍ୟକ। ଯୋଗ କରିବା ଦ୍ୱାରା ମଣିଷ ମାନସିକ ସ୍ତରରେ ସୁସ୍ଥ ରହିପାରିବ ବୋଲି ନିଜର ଅନୁଭୂତି ବର୍ଣ୍ଣନା କରିଛନ୍ତି
ଯୋଗ ମନ ସହିତ ଶରୀରର ଏକ ସନ୍ତୁଳନ ରଖିବା ପାଇଁ ଏକ ଉତ୍ତମ ମାଧ୍ୟମ। ଚାକିରିରୁ ଅବସରର ନେବାପରେ ନିଜକୁ ସୁସ୍ଥ ରଖିବା ପାଇଁ ଯୋଗ ଅନେକ ସହାୟକ ହୋଇପାରିଛି ବୋଲି କହନ୍ତି ପ୍ରମୋଦ କୁମାର ପାଣିଗ୍ରାହୀ।
ପ୍ରତିବର୍ଷ ଭଳି ଚଳିତବର୍ଷ ମଧ୍ୟ କଳାହାଣ୍ଡି ଜିଲ୍ଲାରେ ପତଞ୍ଜଳି ଯୋଗ ସମିତି ତଥା ବିଭିନ୍ନ ଅନୁଷ୍ଠାନ ପକ୍ଷରୁ ଆନ୍ତର୍ଜାତୀକ ଯୋଗ ଦିବସ ପାଳିତ ହେବ। ଏହି ଯୋଗ ଦିବସର ମହତ୍ତ୍ୱ ସଂପର୍କରେ କହନ୍ତି ଯୋଗଗୁରୁ ହେମନ୍ତ କୁମାର ମିଶ୍ର।